October 2014 ~ JPT Online Khabar

चितवन, ९ कात्तिक । गुण्डागर्दीमा संलग्न रहेको आरोपमा एमालेनिकट युवा संघमा आवद्ध प्रकाश रेग्मी (चमेरो) लाई प्रहरीले चितवनबाट पक्राउ गरेको छ।
चितवन प्रहरीको गुण्डागर्दी नियन्त्रण अभियान अन्तर्गत चमेरोलाई पक्राउ गरिएको जिल्ला प्रहरी कार्यालय चितवनका प्रमुख एसपी सहकुलबहादुर थापाले जानकारी दिएका छन्।

छिमेकी जिल्ला धादिङका एमाले समर्थित डन चरी प्रहरी कारवाहीमा यसअघि नै मारिइसकेका छन् । चरीपछि एमालेको छत्रछाँयामा गुण्डागर्दी गर्ने चमेरो पक्राउ परेका हुन् । चमेरो नेकपा एमाले निकट युवा संघका पूर्वकेन्द्रीय सदस्य हुन् ।
प्रहरी उपरीक्षक सहकुलबहादुर थापा चितवन आएपछि उनले अपराध नियन्त्रणमा सक्रिय छन् । थापा चितवन आएको एक महिना पनि बितेको छैन । उनी आएपछि गुण्डागर्दी, जबर्जस्ती, चन्दा असुली, अपहरण, कुटपिट र धम्कीजस्ता आपराधिक कृयाकलापमा संलग्नहरु धमाधम पक्राउ पर्न थालेका छन् ।

विभिन्न राजनीतिक पार्टीसँग निकट सम्बन्ध बनाएका मात्र नभई पार्टीको भ्रातृ सगंठनमा आवद्धहरु पनि सार्वजनिक अपराध आरोपमा पक्राउ पर्ने क्रम रोकिएको छैन । गुण्डागर्दी र जबरजस्ती चन्दा असुली आरोपमा चितवन प्रहरीले आइतबार नारायणगढबाट प्रकाश रेग्मी चमेरोलाई पक्राउ गरेको छ ।

जिल्ला प्रहरी प्रवक्ता प्रहरी उपरीक्षक शान्तिराज कोइरालाले रेग्मीलाई पक्राउ गरिएको पुष्टि गर्दै उनलाई सार्वजनिक अपराध ऐन अन्तर्गत कारवाही अघि बढाइने जानकारी दिए ।

www.nepalikonews.com भिडियो तल छ

मोबाइल चलाएर हाँके मापसेकै कारबाही

Updated : 10/28/2014 फिचर, फिल्मी, बलिउड

११ कात्तिक, काठमाडौँ ।

उपत्यकाका सडकमा सवारीको मनपरी रोक्न कडा रुपमा प्रस्तुत हुँदै आएको ट्राफिक प्रहरीले मोबाइल चलाउँदै सवारी हुँइकाउने र हेलमेटको फित्ता नलगाई मोटरसाइकल चलाउने चालकलाई पनि कडा कारबाही गर्ने भएको छ ।

महानगरिय ट्राफिक प्रहरी महाशाखाले मोबाइलमा कुरा गर्दै सवारी चलाउने मोटरसाइकल चालकलाई जरिवाना जहिल मापसे जस्तै एक घन्टे सचेतना कक्षा लिनुपर्ने व्यवस्था गर्न थालेको छ ।

मादक पदार्थ सेवन गरी सवारी चलाउने चालकलाई सचेतना कक्षा लिनुपर्ने व्यवस्था गरेपछि सवारी दुर्घटनाको दर ९० प्रतिशत कमि आएपछि महाशाखाले नयाँ कारबाही थालेको हो । यस्तो व्यवस्थापछि नियम मिच्ने प्रबृत्तिको अन्त्यहुने महाशाखाको विश्वास छ ।

मोबाइलमा कुरा गर्ने र हेलमेटको फिता नलगाउनेलाई बाध्यात्मक रुपमा कक्षा लिनुपर्ने व्यवस्था गर्न लागेको हो । आजको नागरिकमा समाचार छ ।

भिडियो हेर्न तल क्लिक गर्नुहोस

ह्याप्पी न्यु इयरको नयाँ रेकर्ड, बन्ला सर्वाधिक कमाउने फिल्म ?

मुम्बई । शाहरुख खान र दिपिका पादुकोण अभिनित फिल्म ‘ह्याप्पी न्यु इयर’ले यस वर्षको रेकर्ड तोडेको छ । थोरै दिनमा धेरै कमाइ गर्ने फिल्मको सूचीमा दर्ता भएको ह्याप्पी न्यु इयरले प्रदर्शनको तीन दिनमा १ सय नौ

करोड कमाइ गरेको छ । फिल्म प्रदर्शन अघि यस फिल्मले तीन दिनमा एकसय करोड कमाइ गर्ने अनुमान गरिएको थियो । टे्रड विश्लेषक तरण आदर्शले फिल्मको कमाइको पुष्टि गर्दै यो वर्ष ह्याप्पी न्यु इयरले सर्वाधिक कमाइ गर्ने अनुमान गरेका छन् । शाहरुख खान, दिपिका पादुकोण, अभिषेक बच्चन, सोनु सुद, बोमन इरानी, विवान शाह अभिनित यस फिल्मले पहिलो दिन ४४ करोड बढीको ब्यापार गरेको थियो । भारत र भारत बाहेकका मुलुकका फिल्मको ब्यापार निकै राम्रो भएकाले पनि ह्याप्पी न्यु इयरले यो वर्षका धेरै रेकर्ड तोड्ने अनुमान गरिएको छ ।www.onlinekhabar.com

यी नायिका स्क्रिप्ट नपढी फिल्म खेल्दैनन्

Updated : 10/28/2014 फिचर, फिल्मी, मनोरञ्जन

काठमाडौ । निश्चल बस्नेत निर्देशित ‘लुट’ मा जम्मा तीन सिनमा अभिनय गरेकी छिन ऋचा शर्माले । तर पनि उनलाई फिल्म हेर्ने दर्शकले पछिसम्म सम्झिए ।
जबकि साढे दुई घण्टाको फिल्ममा २०/२५ सिनमा देखिएका हिरोइनले समेत दर्शकको मष्तिष्कमा ठाउँ बनाउन सकेका हुँदैनन् ।

कुनै पनि फिल्ममा अभिनय गर्नु अघि स्क्रिप्ट पढेर मात्रै निर्णय गर्ने गरेकी ऋचाले आफ्नो भुमिका कति छ भन्नु भन्दा पनि सिनेमाको विषय बस्तु कस्तो छ ध्यान दिने बताउँछिन् । ‘म कहिल्यै मेरो कति सिन छ भनेर गन्दिन, विषयबस्तु कस्तो छ ध्यान दिन्छु ।’ उनले भनिन् ।
प्रायः हिरोइन थोरै सिन भएको फिल्म खेल्न राजी हुन्नन् । धेरै सिन भयो भने मात्रै आफु स्थापित होइन्छ भन्ने मान्यता राख्ने हिरोइनहरु विषयबस्तु भन्दा पनि आफ्नै भुमिकालाई जोड दिन्छन् । यो मान्यतासँग असहमति जनाउँछन् ऋचा शर्मा, दिया मास्के, नम्रता श्रेष्ठ, केकी अधिकारी लगायतका नयाँ पुस्ताका हिरोइनहरु ।
सानो संसारमा काम गरेपछि नम्रतासँग मेरो फिल्ममा काम गर्नु पर्‍यो भन्ने निर्माताहरु थुप्रै थिए ।
आफुलाई काम गराउन चाहने निर्मातासँग फिल्मको विषय ध्यान दिएर सुनेपछि चित्त बुझेको अवस्थामा स्क्रिप्ट मागेर पढेकी नम्रताले धेरैलाई ‘सरी’ भन्नु पर्‍यो । नम्रता सम्झिन्छिन् । ‘हप्तामा ४ वटासम्म स्क्रिप्ट रिजेक्ट गर्नुपर्‍यो ।’
विषयबस्तु चित्त नबुझेर फिल्ममा काम गर्दिन भन्दा कतिपय निर्देशकले घमण्डी बनेको अझै बिर्सेकी छैनन् अर्कि नायिका दिया मास्केले । स्क्रिप्ट पढ्न मागेकै कारण आलोचनाको शिकार भएकी थिइन् निशा अधिकारी पनि ।

महंगा पनि छन् यी हिरोइन
विषयबस्तु बुझ्ने मामलामा मात्रै हैन पारिश्रमिक लिने सवालमा पनि महंगा छन् यि हिरोइन । नेपालमा चलेका हिरोइनले ६०/७० हजारमा काम गरिरहेको बेला नम्रताले ‘सानो संसार’ मा डेढ लाख पारिश्रमिक लिएकी थिइन् ।
त्यसपछि पनि कतिपय फिल्म पारिश्रमिकमा कुरा नमिलेकै कारण छाडेकी थिइन् उनले । काम अनुसारको उचित पारिश्रमिक लिनुपर्छ भन्ने ऋचा शर्मा पनि पारिश्रमिकमा सम्झौता गर्न खोज्ने मान्छेसँग सकेसम्म काम नगर्ने बताउँछिन् ।
पछिल्लो समयकी प्रियंका कार्की, केकी अधिकारी, दिया मास्के उचित पारिश्रमिक लिएर काम गर्ने नायिकाको रुपमा चिनिन्छन् ।
ब्यबसायिकताका बाधक निर्देशक नै ?
आर्यान सिग्देलले फिल्मको स्क्रिप्ट पढ्न मागेकै कारण निर्देशक मदन घिमिरेले फिल्मवाट निकालेको घोषणा गरेका थिए । निर्देशक घिमिरेले आर्यानलाई निकालेको घोषणा गर्दै भनेका थिए ‘फिल्म कस्तो बनाउने भन्नेमा निर्देशकले चिन्ता गर्ने हो हिरो-हिरोइनले होइन ।’
निर्देशक घिमिरे मात्रै हैन आफुलाई तन्नेरी पुस्ताका भन्ने निर्देशक समेत हिरो हिरोइनले स्क्रिप्ट पढ्न मागे भने नदिन पाए हुन्थ्यो भन्नेहरु धेरै छन् । कलाकारलाई स्क्रिप्ट पढाएपछि मात्रै उनीहरु विषयको गहिराइमा पुग्छन् भन्ने ज्ञान धेरैलाई छैन ।
राम्रो कलाकारले उचित पारिश्रमिक माग्नुलाई अस्वभाविक रुपमा हेर्ने चलन छ । कुनै नयाँ कलाकारले यति पैसा नभइ काम गर्दिन भन्यो भने पुरानो कलाकारको नाम लिंदै भन्ने चलन छ ‘फलानोले त यतिमा काम गर्छ ।’
पारिश्रमिकमा सम्झौता नगर्ने कलाकारको आलोचना गर्ने काममा सब भन्दा सक्रिय तिनै निर्देशकहरु छन् । यस्तै सोच राख्ने निर्देशकका कारण फिल्मको ब्यबसायिक विकासमा वाधा परेको कलाकारहरुको भनाइ छ ।
/www.onlinekhabar.com

तीन दलका नेताले भने, 'संविधान माघ ८ भित्रै'

काठमाडौं : दलहरूबीच संविधानका अन्तरवस्तुमा सहमति हुन नसक्दा आगामी माघ ८ मा नयाँ संविधान जारी हुँदैन कि भन्ने आशंका र चासो व्यक्त भइरहेका बेला प्रमुख तीन पार्टी शीर्ष नेताले तोकिएकै समयमा संविधान जारी गर्ने प्रतिबद्धता दोहो:याएका छन्। प्रधानमन्त्री एवं कांग्रेस सभापति सुशील कोइराला, सत्ता साझेदार एमाले नेता माधवकुमार नेपाल र एमाओवादी अध्यक्ष एवं प्रमुख प्रतिपक्षी दलका नेता पुष्पकमल दाहालले सोमबार एउटै मञ्चबाट त्यस्तो प्रतिबद्धता दोहो:याएका हुन्।

नेपाल संवत्, छठ, इद, बलिहाङ तङनाम, लोसारजस्ता राष्ट्रिय पर्वका अवसरमा एमाओवादी नेतृत्वको २२ दलीय मोर्चाले भृकुटीमण्डपमा आयोजना गरेको शुभकामना आदानप्रदान तथा चियापान कार्यक्रममा प्रधानमन्त्री कोइरालाले जनचाहना पूरा गर्न निर्धारित समयमै संविधान जारी हुने विश्वास दिलाए।

दाहाल र नेपालको बीचमा रहेका कोइरालाले भने, 'सहमति, सहकार्य र एकताले शान्तिप्रक्रिया टुंग्याएको थियो। अहिले पनि हामी एक भएर अगाडि जानुपर्छ। वार्ताको विक ल्प हतियार होइन। सबैको चेहरामा मुस्कान र आशा छ, तपाईंहरूको आशा र नेतृत्वप्रतिको भरोसालाई ध्यान दिँदै हामी विश्वास दिलाउन चाहन्छौं समयमै संविधान आउँछ।'

एमाले नेता नेपालले मुलुक संघीयता, गणतन्त्र, लोकतान्त्रिक मूल्यमान्यता र समावेशीबाट पछाडि फर्कन नसक्ने बताए। पहिचान र सामथ्र्यको सन्तुलनले एकता र सद्भाव बलियो बनाउने विश्वास व्यक्त गर्दै उनले लोकतान्त्रिक मूल्यमान्यता बोकेको संविधान माघ ८ गतेभित्रै जारी गर्ने प्रतिबद्धता दोहो:याए। 'त्यसका लागि तत्परता र अठोट आवश्यक छ। जनचाहनाअनुसारको संविधान जारी गराएर जनताको सपना साकार पार्नेछौं', नेपालले भने।

एमाओवादी अध्यक्ष दाहालले १२ बुँदे समझदारी, विस्तृत शान्तिसम्झौता, अन्तरिम संविधान, विभिन्न समुदायसँग भएका सम्झौताको मर्म र भावनाअनुसार माघ ८ गतेभित्रै संविधान जारी गर्ने प्रतिबद्धता जाहेर गरे। 'विमति र विवाद रहँदारहँदै पनि विश्वास, सद्भाव र शुभकामना आदानप्रदान गर्ने नेपाली राजनीतिको मौलिक संस्कृति बनेको छ', उनले भने, 'हामी विवाद र आलोचनाको बीचमा पनि छलफल गर्छौं। यसबाट विश्वका नेताहरू पनि आश्चर्यमा पर्छन्।'

उनले सहमति र सम्झौता बिर्सिए त्यो दुर्भाग्यपूर्ण हुन सक्ने पनि बताए। दाहालले भने, 'पहिचान र सामथ्र्यमा आधारित संविधान दिन सकेनौं भने इतिहास, दुनियाँ र नेपाली जनताले धिक्कार्नेछन्।' उनले मोर्चाका तर्फबाट माघ ८ गतेभित्रै संविधान जारी गराउन लचकता प्रदर्शन गर्ने विश्वास पनि दिलाए।

एमाओवादीले पार्टी उपाध्यक्ष पोस्टबहादुर बोगटीको निधन भएका कारण छुट्टै चियापान आयोजना नगरे पनि २२ दलीय मोर्चासँग मिलेर कार्यक्रम गरेको हो। चियापानमा कूटनीतिक नियोग, सुरक्षा निकाय, कर्मचारी प्रशासन, विभिन्न दलका नेतालगायत उपस्थित थिए।

ओली अनुपस्थित, दाहाल दु:खी

२२ दलीय मोर्चाको चियापान कार्यक्रममा एमाले अध्यक्ष केपी ओली भने सहभागी भएनन्। ओलीले नि ता प्राप्त हुँदा नै चियापानमा आफू आउन नसक्ने जानकारी गराएको उनका स्वकीय सचिव रमेश आचार्यले बताए। 'म कुनै दलविशेषले बोलाए आउँछु तर चियापानमै मोर्चाबन्दी गरेका कारण आउँदिनँ', ओलीलाई उद्धृत गर्दै आचार्यले अन्नपूर्णसँग भने।

ओलीको अनुपस्थितिबारे एमाओवादी अध्यक्ष दाहालले भने, 'कांग्रेसको चियापानमा हामी गयौं। एमालेको चियापानमा पनि हामी गयौं। हाम्रो चियापानमा पनि ओलीजी आइदिनुभएको भए राम्रो हुन्थ्यो।' उनले आफूहरूले ओलीलाई अनुरोध गर्दा पनि नआएकोमा दु:ख लागेको बताए।

शीर्ष बैठकमा एमाले अनुपस्थित

संविधानका अन्तरवस्तुमा सहमति गर्न सोमबार बिहानका लागि डाकिएको प्रमुख तीन दलका शीर्ष नेताको बैठक एमालेका नेता नआएका कारण स्थगित भएको छ। एमालेले उत्तर-दक्षिणका चार प्रदेशको प्रस्ताव गरेकै भोलिपल्ट डाकिएको बैठकमा उक्त दलका नेताहरू अनुपस्थित भएका हुन्। एमाले र एमाओवादीबीच आइतबार भएको द्विपक्षीय वार्तामा एमाओवादीले जातीय राज्यको मुद्दा नछोडेपछि एमाले अध्यक्ष केपी ओलीले प्रक्रियामा जाँदा एमाले उत्तर-दक्षिणका चार प्रदेशमा अडिने धारणा राखेका थिए।

यो प्रस्तावप्रति असन्तुष्ट एमाओवादीले उसलाई लचिलो बनाउन प्रधानमन्त्री सुशील कोइरालासँग आग्रह गरेको थियो। सोही विषयमा छलफल गर्न सिंहदरबारस्थित राज्य व्यवस्था समितिको कक्षमा डाकिएको बैठकमा बिहान ९ बजेदेखि ११ बजेसम्मकांग्रेस र एमाओवादीका नेताले प्रतीक्षा गरे पनि एमाले अध्यक्ष ओली, वरिष्ठ नेता माधव नेपाल, उपाध्यक्ष वामदेव गौतम र महासचिव ईश्वर पोखरेल कोही पनि गएनन्। त्यसपछि बैठक स्थगित गरिएको थियो।

एमाले नेतृत्व शीर्ष बैठकमा एकाएक अनुपस्थित हुनुको कारणबारे जिज्ञासा राख्दा कांग्रेस उपसभापति रामचन्द्र पौडेलले 'बिरामी भएर आउन नसकेको' जबाफ दिए। एमालेका प्रमुख सचेतक अग्निप्रसाद खरेल भने बैठकमा अन्तिममा सहभागी हुन गएका थिए। खरेलले भने, 'पार्टी अध्यक्ष आफ्नो नियमित स्वास्थ्य परीक्षणमा जानुपरेको र वरिष्ठ नेता नेपाललाई बैठकबारे दिएको सूचना गलत भएकाले सहभागी हुन नसक्नु भएको हो।'

दुई घन्टा प्रतीक्षापछि पनि एमाले अध्यक्ष ओली सहभागी नभएपछि एमाओवादीका अध्यक्ष पुष्पकमल दाहालले उनलाई फोन गरेका थिए। बैठकमा आउन दाहालले आग्रह गर्दा ओलीले आफू आउन नसक्ने भएकाले प्रतिनिधित्व प्रमुख सचेतक खरेलले गर्ने जानकारी दिएका थिए।

संवैधानिक-राजनीतिक संवाद तथा सहमति समितिका सभापति डा. बाबुराम भट्टराईले अझै केही दिन दलहरूबीच अनौपचारिक छलफल आवश्यक रहेको बताए। उनले पत्रकारसँग भने, 'अहिले वातावरण केही खुकुलिए पनि अन्तरकुन्तरका गाँठा खुल्न सकेका छैनन्।

औपचारिक बैठकमा आफ्ना धारणा त राखिन्छन् तर पार्टीभित्रका अदृश्य र नभिनएका कुरा पनि थुप्रै हुन्छन्, पार्टीका नेताहरूको पनि छुट्टाछुट्टै धारणा बुझेर सम्बोधन नगरेसम्म गाँठो खुल्दैन।'

बैठकमा एमाले शीर्ष नेता सहभागी नभएपछि कांग्रेस र एमाओवादीबीच अनौपचारिक वार्ता भएको भट्टराईले बताए। उनले आगामी १५ गतेभित्र पनि सहमति नभएमा त्यसपछि केकस्तो प्रक्रियाले निकास दिने भन्ने निर्णय संविधानसभाले गर्ने बताए।
annapurnapost.com

घाँस काटेर फर्केकी महिला माथि प्रहरीले गरे बलात्कार : बलात्कारी प्रहरीको शेयर गरि भण्डाफोर गर्नोस्

कार्तिक-११, बागलुङ ।
सशस्त्र प्रहरीबलका हवल्दारले तिहार बिदामा घर आउँदा यहाँकी महिलालाइ बलात्कार गरेका छन् । देविस्थान ९ का ३१ बषिर्य दिर्घप्रसाद शेरचनले घाँस काटेर फर्केकी स्थानीय महिलालाई कात्तिक ७ गते बेलुकी बलात्कार गरेका हुन् ।

जबरजस्ती लछारपछार पार्दै लडाएपछि बेहोस भएकी उनलाई बलात्कार गरेका थिए । शेरचन चितवनमा कार्यरत छन् ।टाउको र छातीमा घाउ लागेकी ती महिलाको उजुरीको आधारमा इलाका प्रहरी कार्यालय बुर्तिवाङले पक्राउ गरी शेरचनलाई जिल्ला प्रहरीमा पठाएको छ ।

होसमा आउँदा शेरचनले बलात्कार गरेर भागेका थिए । मैले प्रतिकार गर्दा मार्ने धम्की समेत दिएको थियोु पीडितले भनिन्, बलत्कार गरेर बेहोस भएपछि होस आएपछि सकी नसकी घर पुगें । पीडितका आफन्तले शुक्रबार रातीनै प्रहरीलाई खबर गरेका थिए । घटनास्थलबाट प्रहरीले शेरचनको चप्पल समेत बरामद गरेको छ ।

पीडित महिला टोलाइरहने, डराउने लगायतका लक्षण देखाई रहेकोले महिला विकास कार्यालयले संचालन गरेको अल्पकालिन सेवा केन्द्रले स्वास्थ्य उपचार र कानूनी उपचारको काम थालेको केन्द्रकी कार्यक्रम संयोजक शर्मिला थापाले बताइन् ।

पीडितको धौलागिरी अञ्चल अस्पतालमा स्वास्थ्य परिक्षण समेत गरिएको छ । केन्द्रले पुनरावेदन अदालत बार इकाइको सहयोगमा शेरचनलाई अदालतमा मुद्दा दिएपछि म्याद थप गरिएको छ । केन्द्रमा बढीमा १५ दिन सम्म उपचार गरी राख्ने व्यवस्था छ । कान्तिपुर

sajhasabal.com/news भिडियो तल छ

लैङ्गकि हिंसा विधेयकमा 'लोग्नेस्वास्नी र सौता' शब्द संशोधन गर्न प्रस्ताव

Updated : 10/28/2014 प्रविधी, फिचर

काठमाडौं, कार्तिक ११ - सांसदहरुले लैङ्गिक हिंसा विधेयकमा 'सौता' र 'लोग्नेस्वास्नी' शब्द परिवर्तनका लागि संशोधन प्रस्ताव दर्ता गराएका छन् ।

संसदमा विचाराधीन लैङ्गकि हिंसा विधेयक माथि परेका ४४ मध्ये अधिकांश संशोधन महिलालाई सम्बोधन गरिने शब्दहरुमाथि परेका हुन् ।

'हामीले महिला अधिकारकर्मी, अधिवक्ताहरुलाई बोलाएर छलफल र अन्तरक्रिया गरिरहेका छौं,' विधायन समितिकी सभापति गंगा चौधरीले भनिन्, 'बिशेष गरी लोग्नेस्वास्नी, सौता, धर्मपुत्र-पुत्री लगायत शब्दहरु संसोधन गर्न प्रस्ताव आएका छन् ।'

६० जना संसोधनकर्ताबाट शब्द र व्यवस्थाहरुमा संसोधन परेको उनले जानकारी दिइन् । शारीरिक यातना तथा यौनजन्य हिंसाको कसूर गर्नेलाई एक लाखदेखि तीन लाख रुपैयाँसम्म जरिवाना र एकदेखि आठ वर्षसम्म कैद हुने प्रस्ताव विधेयकमा छ । सांसदहरुले उक्त सजाय बढाएर पाँच लाखदेखि दश लाख रुपैयाँसम्म जरिवाना र आठदेखि दश वर्ष कैद हुने व्यवस्था हुनुपर्ने प्रस्ताव राखेका छन् । जरिवाना र कैद थोरैहुँदा पीडक हिंसा गर्न नडराउने भएकाले कारवाहीको ब्यवस्था कडा गर्नुपर्ने संसोधनकर्ता सांसदहरुको भनाई छ ।

सम्पतिमा छोराछोरीको समान हक हुनुपर्ने, भाञ्जाभाञ्जी समेत अपुतालिको हकदार हुन पाउनुपर्ने, 'सौता' शब्दको बदला 'एकभन्दा बढी श्रीमती' राखिनु पर्नेजस्ता संशोधन प्रस्ताव परेका छन् । संशोधन प्रस्तावमाथि बृहत छलफल गरेपछि मात्र शब्य चयन गरिने बिधायन समितिकी सभापति चौधरीले जानकारी दिइन् ।
http://www.ekantipur.com/

यसरि अब सपनादेखेको कुरा पनि भिडियो रेकर्ड गरिने

जापानका वैज्ञानिकहरुले मानव मस्तिष्कको अवचेतन अवस्था निद्रामा आएको सपनाको भिडियो रेकर्ड गर्नमा जुटिरहेका छन् । वास्वतमा मानिसको सपनामा घुसपैठ गरी निद्राको बेला मस्तिष्कको क्रियाकलापलाई युएसबी, फ्लास ड्राइभ वा भिडियो डिस्कमा रेकर्ड गर्ने तयारीमा वैज्ञानिकहरु दिलोज्यान दिएर जुटिरहेको बताइएको छ । यो प्रविधिबाट व्यक्तिलाई मज्जाले सुत्न दिइन्छ र ऊ मस्त सुतेको बेलामा उसलाई कुनै बाधा नपुग्नेगरी उसको मस्तिष्कका क्रियाकलाप तथा उसले देखिरहेको सपना रेकर्ड गरिनेछ ।

वैज्ञानिकका अनुसार सुतेको मानिसको मस्तिष्कको अध्ययन गरी उसले सपना देखिरहेको कुरा छुट्टाउन सफल भइसकिएको छ र अब सपनालाई रेकर्ड गर्ने प्रयास भैरहेको छ । ता की त्यसरी रेकर्ड गरिएका सपनालाई पछि कम्प्युटर वा टेलिभिजनको पर्दामा मज्जाले हेर्न सकियोस् ।
जापानी वैज्ञानिकहरुले निद्राको भिडियो रेकर्ड गर्ने यो अध्ययनका लागि तिनजना पुरुषलाई निम्त्याए । जब ती तिनजना व्यक्तिहरु आरामले सुते तब उनीहरुको अवचेतन मनलाई एक विशेष उपकरणसँग जोडियो । उक्त उपकरणले मस्तिष्कको गतिविधिमा निगरानी राख्छ । त्यसक्रममा जब ती पुरुषहरु गहिरो निद्रामा पुगे तब उनीहरुको मस्तिष्कको गतिविधि निकै तिब्र भएको पाइयो ।
केही समयपछि ती तिनजनालाई उठाएर के सपना देख्यौ ? भनेर सोधियो । उनीहरुको भनाई अनुसार देखेका सपनाका कहानीलाई समेत रेकर्ड गरियो र त्यो सँगै अवचेतन मनका गतिविधिलाई समेत सँगै मिलाएर देखाइयो । वैज्ञानिकहरुका अनुसार अवचेतन मनका गतिविधि तथा सपनाकेा कहानीलाई समायोजन गरी सुहाउँदा दृश्य सहितको सजिव फिल्म तयार पार्ने कम्प्युटर प्रोग्रामको विकाश गरेसँगै मानिसको सपनाको भिडियो रेकर्डिङ मज्जाले टेलिभिजनको पर्दामा हेर्न सकिने वैज्ञानिकहरुको दाबी छ ।
भिडियो हेर्न त

मनसुनमा बिर्सेर पनि नखानुहोस् यस्ता खानेकुरा

Updated : 10/28/2014 फिचर, स्वास्थ्य

मनसुनले एकातिर खुसी ल्याएको हुन्छ भने अर्कोतर्फ निकै रोगहरु पनि निम्त्याएको हुन्छ । यदि तपाईं मनसुनलाई राम्रो तरिकाले व्यतित गर्न चाहनुहुन्छ भने सडकको किनारामा बेच्न राखिएको खानेकुराहरु नखानुहोस् । यसका साथसाथै तारेको र मसालेदार खानाहरु पनि कम खानुहोस् । मनसुनमा थुप्रै मानिसहरु पानी परेको देखेर तातो पकौडा बनाएर खान रुचाउँछन् तर यो तपाईंको स्वास्थ्यका लागि राम्रो मानिँदैन ।

मनसुनमा कुनै पनि खानेकुराहरु स्वच्छ हुँदैन । यतिबेला पानी निकै दुषित हुने भएका कारण घरबाहिर पाइने खानेकुरा खाँदा निकै होसियारी अपनाउनुपर्ने हुन्छ । तपाईंले कुन ठाउँमा कस्ता खानेकुराहरु खाइरहनुभएको छ, यस्ता कुराहरु मनसुनको बेलामा निकै महत्वपूर्ण हुने गर्दछ । आउनुहोस्, मनसुनमा कस्ता कस्ता खानेकुरा खानबाट बच्नुपर्छ भन्ने कुरा थाहा पाउनुहोस्ः १. पिरो र मसालेदार पकौडाः मनसुनको समयमा सडकको साइडमा पाइने पकौडाहरु नखानुहोस् । यी पकौडाहरुलाई पकाउनका लागि जुन तेल प्रयोग गरिएको हुन्छ, त्यो तेलले तपाईंको स्वास्थ्यमा नकारात्मक असर पुराउने गर्दछ । मनसुनमा तपाईंको पाचन क्षमतामा ह्रास आउने भएका कारण यस्ता खानेकुराहरु नखाँदा नै राम्रो हुन्छ । २. चाट र पानीपुरीः दुषित पानीको प्रयोगले चाट र पानीपुरी बनाइएको छ भने तपाईंले यसलाई खाएर सिधै डाक्टरलाई भेट्न जानुपर्ने हुन्छ । ३. समोसा तरकारीः धेरैजनालाई समोसा निकै मनपर्न सक्छ तर यसलाई तपाईंले मनसुनमा नखाँदा नै राम्रो हुन्छ । पकौडाजस्तै यसलाई पनि पकाउनका लागि राम्रो तेलको प्रयोग गरिँदैन त्यसकारण यसबाट टाढा बस्दा नै राम्रो । ४. सडक किनारामा पाइने चाइनिज फुड यस्ता खानेकुराहरु बनाउनका लागि राम्रो पानीको प्रयोग गरिँदैन । यो मौसममा यदि तपाईं दुषित पानी पिउनुहुन्छ भने तपाईंको पेटले यसको जवाफ दिनेछ । ५. पात भएको तरकारीः यो मौसममा पात भएको तरकारीहरुमा किटाणु र किरा हुने सम्भावना अधिक हुने गर्दछ त्यसकारण साग र पात भएको तरकारी खाँदा निकै होसियार रहनुहोस् । ६. सडक किनारामा पाइने फलफूलका जुसः यस्ता जुसमा दुषित पानी पनि मिसाइन सक्ने भएका कारण यो मौसममा नखाँदा नै राम्रो । ७. काटेर राखिएको फलफूलः सडकमा काटेर राखिएको फलफूल त झन् खाँदै नखानुहोस् । यस्ता फलफूलमा दुषित पानीको प्रयोग हुनुका साथै खुल्ला रुपमा छोडिने भएका कारण झिंगाहरु बसेको हुन्छ । www.ratopati.comf

पुरुष भनिएका ब्यक्ति विवाह गरेको १० वर्ष पछि महिला घोषित

Updated : 10/27/2014 फिचर, रोचक

चीनको झेजियाङ प्रान्तमा बस्ने एक ब्यक्ति त्यतिबेला अचम्मित भए जव चिकित्सकले उनलाई 'तपाइँ पुरुष होइन महिला हो' भने । पेटमा सामान्य दुखाइ अनुभव हुनुका साथै पिसावमा समेत रगत देखिएपछि उनी चिकित्सकलाई भेट्न गएका थिए ।
४४ वर्षीय चेन नामका ती ब्यक्तिले १० वर्ष अघि विवाह गरेका थिए । पेट दुखेपछि उनी स्थानीय चिकित्सककोमा पुगे र त्यहाँ आएको परिणामले उनलाई चकित तुल्यायो । ४४ वर्ष सम्म पुरुषकोरुपमा रहेका चेनको शरीर महिलाको शरीर भएको निष्कर्षमा चिकित्सकहरु पुगेपछि सबै छक्क परे । चेनको शरीरमा पुरुषको जनेन्द्रीय छ भने उनको बैबाहिक र यौन जीवन पनि सन्तुष्टीपूर्ण रहेको बताउँछन् ।

चिकित्सकहरुले पुरा जाँचगरेपछि उनको शरीरमा सबै प्रजनन अंगहरु महिलाको जस्तो रहेको तर लिङ्ग भने पुरुषको रहेको तथ्य पत्ता लगाए । उनलाई पूर्ण महिला र पुरुष दुवै भन्न नसकिने चिकित्सकको भनाइ छ ।

चेनले भने आफूलाई आफू अस्वस्त रहेको अनुभव भैरहेको भएपनि यस्तो कल्पना पनि नगरेको बताए ।

सिटी स्कानबाट चेनको शरीरमा गर्भासय र ओबरी समेत भएको देखिन्छ ।

- See more at: http://nepaliheadlines.com

लुकी लुकी अस्पताल पुगे विराट र अनुष्का

Updated : 10/27/2014 फिचर, बलिउड

भारतका चर्चित क्रिकेटर बिराट कोहोली र बलिउड अभिनेत्री अनुष्का शर्माको प्रेम सम्बन्ध कसैसँग छिपेको विषय होइन । तर उनीहरुको पछिल्लो चर्चा भने फरक कारणले भैरहेको छ ।

हालै मात्र मुम्बइको अंधेरीस्थित कोकिलाबेन धीरूभाई अम्बानी अस्पतालमा अनुष्का शर्मा र विराट कोहली सँगै देखिए ।
अनुष्काको नजिकै रहेको यो अस्तालमा उनीहरु सँगै देखिएपछि धेरैले मुखामुख गर्न थाले । तर उनीहरु खासमा किन अस्पताल किन पुगेका हुन भन्ने चाँहि खुलेको छैन ।

तर उनीहरु सँगै अस्पताल पुगेपछि अनेक अडकलबाजी गरिएको छ । उनीहरुको विवाहको तयारी भैरहेको चर्चा पनि सुनिँदै आएको छ ।
nepaliheadlines.com

पानीसम्बन्धी विज्ञहरूको अन्तर्राष्ट्रिय सम्मेलन उद्घाटन

१० कात्तिक, काठमाडौ ।

राष्ट्रपति डा रामवरण यादवले पानीसम्बन्धी विज्ञहरूको अन्तर्राष्ट्रिय सङ्घको सम्मेलनको आज यहाँ एक समारोहबीच उद्घाटन गर्नुभयो ।

सम्मेलनलाई सम्बोधन गर्दै राष्ट्रपति डा यादवले पानीको व्यवस्थापनसम्बन्धी विश्वव्यापी चुनौतीका विषयमा यस प्रकारको सम्मेलन नेपालमा आयोजना गरिएकामा आयोजकलाई धन्यवाद दिँदै आफू एक चिकित्सक र उपभोक्तासमेत भएकाले पनि ग्रामीण क्षेत्रमा खानेपानीको उचित व्यवस्थापन नहुँदा मानिसमा स्वास्थ्यसम्बन्धी समस्या हुने गरेको बताउनुभयो ।

उहाँले खेर जाने पानीलाई मूल्यवान सम्पत्तिका रुपमा लिएर त्यसबाट कसरी लाभ लिनेभन्ने चिन्तन गर्नाले मुलुकको विकासलाई योगदान पुग्ने भएकाले प्रविधिको सहायताबाट त्यसको उचित व्यवस्थापन गर्न सकिन्छ भन्नुभयो ।
उहाँले यससम्बन्धी अनुसन्धानकर्ताले मानिसका मौलिक ज्ञानलाई पनि समेट्ने प्रकारले निष्कर्ष निकाल्नुपर्नेमा जोड दिँदै सम्मेलनको सफलताको कामना गर्नुभयो ।
राष्ट्रिय योजना आयोगका उपाध्यक्ष डा गोविन्दराज पोखरेलले अस्पताल भर्ना भएका विरामीमध्ये ५० प्रतिशत अस्वस्थ्य पानी र अखाद्य खानाका कारण हुने गरेको जानकारी दिनुभयो ।
नयाँ प्रविधिको प्रवेशसँगै नेपालमा स्वच्छ पानीसम्बन्धी व्यवसायमा लगानी बढ्दै गएको उल्लेख गर्दै उहाँले खेर जाने पानीलाई पूँजी र शक्तिको रुपमा उपयोग गर्न सकिने धारणा राख्नुभयो ।
सङ्घका अन्तर्राष्ट्रिय अध्यक्ष हाल्मुट क्रोसिसले स्वच्छ पानीबिना स्वास्थ्य जीवनको कल्पना गर्न नसकिने भन्दै सम्मेलनले यस सम्बन्धमा गम्भीर छलफल गर्ने बताउनुभयो ।
पानीसम्बन्धी विज्ञ डा केशव शर्माले खेर जाने पानीसम्बन्धी दिगो उपचार र स्रोतको सुधारमा विश्वव्यापी चुनौतीबारे कार्यपत्र प्रस्तुत गर्नुभयो ।
चार दिनसम्म चल्ने सम्मेलनमा करिब ४० देशका प्रतिनिधिको सहभागिता रहेको छ । सम्मेलनमा कुल २६ प्राविधिक सत्र सञ्चालन हुनेछन् भने सम्मेलनका सहभागीहरूलाई वागमतीको मुहानमा स्थलगत अवलोकन गराउने कार्यक्रम रहेको आयोजक समितिका डा नवराज खतिवडाले जानकारी दिनुभयो । रासस

भर्खरैको ताजा अपडेट बेलायती प्रधानमन्त्रीमाथि आक्रमण (तस्विर सहित)

Updated : 10/27/2014 फिचर, फिल्मी, बलिउड

बेलायती प्रधानमन्त्री डेविड क्यारुनमाथि आक्रमण भएको छ । उनलाई बाटोमा हिँड्दा हिँड्दै प्रदर्शनकारीले आक्रमण गरेका हुन् । द्रुत गतीको रेल सेवाबारे प्रचार गर्न उत्तरी शहरहरुको भ्रमणमा रहेका प्रधानमन्त्री क्यामरुनमाथि सरकारी योजनाको विरोध गरिरहेकाहरुले आक्रमण गरेका हुन् ।

उनीमाथि आक्रमण भएपनि क्यामरुन सकुशल छन् । उनलाई कुनै चोटपटक पनि लागेको छैन । तर प्रधानमन्त्री माथि सडकमै आक्रमण भएपछि सुरक्षा ब्यवस्थामाथि भने गम्भिर प्रश्न उठेको छ । प्रधानमन्त्रीमाथि आक्रमण गर्ने २८ वर्षीय एक पुरुषलाई प्रहरीले पक्राउ गरेर छोडिदिएको छ ।

nepaliheadlines.com

अनिल कपुरकी छोरीसँग मस्ती गर्दा सलमानलाई अफ्ठेरो

जतिसुकै चर्चित कलाकार भएपनि आखिर कलाकार पनि मानिस नै हुन् । सलमान बलिउडमा सबैभन्दा चलेका अभिनेता मात्र होइनन् दर्जनौं युवतीसँग रोमान्स गरिसकेका प्ले ब्याइ समेत हुन् ।

तर आफ्नै उमेरका अनिल कपुरकी छोरी सोनम कपुरसँग अन्तरंग सिन गर्न भने सलमानलाई असहज लागिरहेको छ । प्रेम रतन धन पायो नामको नयाँ चलचित्रमा सोनम र सलमान जोडीकोरुपमा देखिँदै छन् ।

खासमा सलमान अनिल कपुरका साथी हुन् तर उनकै छोरीसँग मस्ती गर्न पर्दा सलमानलाई असहज भएको छ ।

फिल्मको सुटिङका क्रममा रोमान्टिक सिन आउने वित्तिकै दुवै कलाकारलाई असहज हुने गरेको बताइएको छ ।

बच्चा हुँदा नै सुपरस्टार भैसकेका सलमानसँग अन्तरंग सिन गर्दा सोनामलाई पनि असहज भैरहेको छ । यद्यपी सोनाम पनि हट अवतारकोरुपमा चर्चित भैसकेकी छिन्
nepaliheadlines.com

श्रीकृष्ण श्रेष्ठको वियोगमा श्वेता भन्छिन् – बाचुन्जेल श्रीकृष्णको याद बोक्छु

Updated : 10/27/2014 फिचर, फिल्मी

विवाह गरेको महिनादिन पनि बित्न नपाउँदै आफूले निकै माया गरेको, पर्दामा मात्र हैन जनताको नजरमा पनि हिरो साबित अभिनेता पति श्रीकृष्ण श्रेष्ठको वियोगले नायिका श्वेता खड्का अझैसम्म पनि सहज जीवनमा फर्कन सकेकी छैनन् ।

उनले आइतबार आफ्नो फेसबुकमार्फत नायक पति श्रीकृष्णको यादलाई सधैंभर साथ लिएर हिँड्ने प्रण गरेकी छिन । श्वेताले फेसबुकमा लेखेकी छिन्, ‘निकै खुसी भएर केही महिनापहिले मात्र मैले आफ्नो जीवनको नयाँ अध्याय सुरु गर्ने सोच गरेको थिएँ । तर, अहिले मैले जति प्रयास गर्दा पनि म आफ्नै खुट्टामा उभिन सकेकी छैन । वास्तवमा भन्नुपर्दा, मेरो केही गर्ने जाँगर मरिसकेको छ, मलाई अहिलेसम्म पनि मेरो बिस्ताराबाट उठेर हिँड्ने आँट आएको छैन ।’

‘आफैँलाई हेर्दा प्रश्न गर्ने गर्दछु– के म त्यही श्वेता हो र ? यो साँचो हो, यदि तपाईंले पहिलोपटक कसैलाई मन, मष्तिस्क र मुटुले माया गर्नुहुन्छ भने यसले तपाईंलाई परिवर्तन गरिदिनेछ र उनको याद इतिहाससरि मानस्पटलमा ताजा भइरहन्छ जसलाई कहिले पनि मेट्न सकिन्न ।’
‘मेरो प्यारो श्रीमान्, तपाईं मेरो जीवनको वास्तविक हिरो हुनुहुन्छ र म तापईंलाई मेरो मुटुमा सधैँ मायाले जतन गरेर राख्नेछु । तपाईं अहिले जहाँ भए पनि म तपाईंलाई मेरो जीवन रहुन्जेल आफूसँगै लिएर अगाडि बढ्नेछु । म सधैँ तपाईंको नै हुनेछु । म सधैँ तपाईंसँगै हुनेछु । तपाईंको याद निकै धेरै आइरहेको छ ।”
– तपाईं अनि मात्र तपाईंकी श्वेता

www.hamrosandesh.com

सलमान र आमिर खानलाई एकै पटक पछारे शाहरुखले

Updated : 10/27/2014 फिचर, फिल्मी, बलिउड

शाहरुख बने साँच्चिकै डन । आमिर र सलमानलाई एकै पटक पछारे
अव के गर्लान सलमान र आमिर

शाहरुख खानको पछिल्लो चलचित्र 'ह्याप्पी न्यू इयर' ले बलिउड बक्स अफिसमा सबैजसो रेकर्ड तोड्ने संकेत गरेको छ । रिलिज भएकै दिन ओपनिङ रेकर्ड तोडेर नयाँ किर्तिमान बनाउन सफल भएको 'ह्याप्पी न्यू इयर'ले निरन्तर नयाँ रेकर्ड कायम गरिरहेको छ ।

रिलिज भएकै दिन ४४ दशमलव ९७ करोड भारु कमाएको 'ह्याप्पी न्यू इयर' पहिलो दिनमा यति कमाइ गर्ने पहिलो चलचित्र हो । यस अघि आमिर खानको धूम 3 र सलमानको किक ओपनिङ डेमा सबैभन्दा बढी कमाउने फिल्म रहेका थिए ।

'ह्याप्पी न्यू इयर' हिट हुनुको मुख्य कारण यसको रिलिज गर्ने समय तिहारको समय परेका कारण पनि भएको विश्लेषकहरुले बताएका छन् ।
'ह्याप्पी न्यू इयर'ले दोश्रो दिन ३५ करोड भारु भन्दा बढी कमाएको छ । सबैभन्दा छिटो ८० करोड कमाउने किर्तिमान पनि यो चलचित्रले कायम गरेको छ ।

तेश्रो दिन सम्म आइपुग्दा 'ह्याप्पी न्यू इयर' को आँकडा १०० करोड क्लवमा परिसकेको छ । शुक्रबार सम्म 'ह्याप्पी न्यू इयर' २०० करोडको क्लवमा प्रवेश गर्न सक्ने अनुमान गरिएको छ ।

शाहरुखको चलचित्रले हंगामा पिटेपछि आमिर खानको अव आउने चलचित्र पीकेलाई चुनौती थपिएको छ ।

nepaliheadlines.com भिडियो तल छ

भाईटिका लगाइदिने बहिनीमाथि यौन हिंसा गर्ने दाजुको नाममा कलङ्क : शेयर गरि भण्डाफोर गर्नुस

Updated : 10/27/2014 फिचर, रोचक

कार्तिक-१०, बाँके ।
भाइटीका लगाइदिन आएकी बहिनीमाथि यौनहिंसा गर्ने मनिकापुर– ८ का ३८ वर्षीय एक दाजुलाई प्रहरीले पक्राउ गरेको छ ।

गोर्वद्धन पूजाको दिन बहिनीमाथि यौन हिंसा गर्ने उनलाई पक्राउ गरी हिरासतमा राखेर अनुसन्धान थालिएको जिल्ला प्रहरी कार्यलय बाँकेका प्रहरी नायज उपरीक्षक सुशिलसिंह राठौरले जानकारी दिए ।

sajhasabal.com/news

श्रीमतीको प्रेमीलाई बञ्चरो प्रहार गर्दै श्रीमानले पारे टुक्रा–टुक्रा

Updated : 10/27/2014 खेलकुद, टिप्स, फिचर

श्रीमानको पटक पटकको आदेश पछि पनि पत्नीले प्रेमीसँग भेट्न बन्द गरिनन् । जसका कारण श्रीमानले यस्तो कदम उठाए कि श्रीमतीको होस नै उड्यो । भारतको उत्तर प्रदेशको उन्नाव भन्ने जिल्लामा एक श्रीमानले आफ्नै घरमा उनको प्रेमीलाई बञ्चरो प्रहार गरेर टुक्रा–टुक्रा पारेका छन् ।

घटनाको खबर पाएलगत्तै उक्त इलाकामा तहल्का मच्चियो । पुलिसले मृतकको शवलाई पोष्टमार्टमको लागि पठाएको छ भने आरोपीलाई पक्राउ गरेको छ । हत्यामा प्रयोग भएको बञ्चरोलाई जगदीशपुरको जंगलबाट बरामद गरिएको थियो । पुलिसका अनुसार ३५ वर्षीय अनिल कुमार यादवको आफ्नै गाउँको मेडीलालकी श्रीमतीसँग लामो समयसम्म प्रेम प्रसंग चलिरहेको थियो । यो विषयमा अनिल र मेडीलालको धेरैपटक हात हालाहालको स्थिति पनि सृजना भएको थियो । स्थानीय गाउँलेलाई मान्ने हो भने गाउँभन्दा बाहिर फुलचन्द्र यादवलाई आग्रह गरेर उनले अनिललाई आफ्नो घरमा बोलाए । मेडीलाल हातमा बञ्चरो बोकेर अनिलको प्रतिक्षा गरेर बसिरहेका थिए । अनिल मेडीलालको नजिक पुग्ने बित्तिकै उनले अनिलको टाउको र गर्दनमा बञ्चरोले धेरै पटक प्रहार गरे । अनिल मरेको सम्झेर आरोपी त्यहाँबाट तत्काल फरार भए । अनिलको परिवारलाई घटनाको बारेमा जानकारी भएलगत्तै उनीहरु घटनास्थलमा पुगे जहाँ अनिल अझै सास फेरिरहेका थिए । उनका परिवारले उनलाई नवाबगंज सामुदायिक स्वास्थ्य केन्द्रमा लगे । उनको हालत गम्भीर देखेर डाक्टरहरुले उनलाई ट्रमा सेन्टर रिफर गरिदिए जहाँ डाक्टरहरुले अनिललाई मृत घोषणा गरे । अनिलको पिताको तर्फबाट पुलिसले मेडीलला र फुलचन्द्रका बिरुद्ध मुद्दा दर्ता गरेको छ । पुलिसले आरोपी मेडीलाललाई नजिकैको गाउँ पाठकपुरबाट पक्राउ गरिसकेको छ । (एजेन्सी)www.ratopati.com

आईसीसी वल्र्ड क्रिकेट लिग डिभिजन ३ : नेपाल र अमेरिकाबीच खेल जारी

काठमाडौ, कार्तिक १० - मलेसियामा जारी आईसीसी वल्र्ड क्रिकेट लिग डिभिजन ३ मा नेपाल अहिले आफ्नो चौथो खेल अमेरिकाविरुद्ध खेल्दैछ । टस जितेको अमेरिकाले पहिले व्याटिङ राजेको छ । दुई खेलमा जित र एक हार व्यहोरोको नेपालसँग ४ अंक छ भने दुई हार र एक जित निकालेको अमेरिकासँग २ अंक छ ।

प्रतियोगिताको शीर्ष दुई टोली डिभिजन २ मा बढूवा हुनेछन् ।

नेपालले पहिलो खेल युगाण्डासँग २० रनले गुमाएको थियो । दोस्रो खेलमा नेपालले बर्मूडालाई ८ विकेट र तेस्रो खेलमा सिंगापुरलाई १९० को विशाल अन्तरले हरायो ।

तीन खेलमा जित निकालेको युगाण्डा समूह तालिकाको शीर्ष स्थानमा छ भने नेपाल दोस्रो स्थानमा छ ।http://www.ekantipur.com/

थाइल्याण्डमा फेरि देखाइन् सन्नीले जवानी

Updated : 10/27/2014 फिचर, मनोरञ्जन

पोर्न स्टारबाट बलिउड कलाकार बनेकी सन्नी लियोनी यतिबेला थाइल्याण्डमा छिन् । आफ्नो नयाँ सिनेमाको

छायांकनका लागि लामो समयदेखि उनी थाइल्याण्डमा रहेकी हुन् । उनै सन्नीले आफ्नो पुरानो छवि भने छोड्न सकेकी छैनन् । उनले आफ्नो ट्विटरमा एक हट तस्बिर पोष्ट गरेकी छिन् । जहाँ उनी विकिनीमा आफ्नो मस्त जवानी देखाउँदै रमाइरहेकी छिन् । सन्नीले तस्बिरसँगै आफू पुलसाइडमा झुण्डिएको लेखेकी छिन् । www.onlinekhabar.com

पपस्टार साकिरा फेरि आमा बन्ने........

Updated : 10/27/2014 फिचर, फिल्मी, मनोरञ्जन

कोलम्बिया : विश्वविख्यात कोलम्बियाली पपस्टार साकिरा पुन: आमा बन्ने भएकी छन्। यस वर्षको फिफा वल्र्ड कप समापनमा गीत गाएदेखि नै उनी गर्भवती भएको चर्चा चले पनि साकिराले कुनै प्रतिक्रिया दिएकी थिइनन्।

तर दोस्रो सन्तानको आमा बन्न लागेको र आफू त्यसका लागि उत्साहित भएको उनी स्वयम्ले पुष्टि गरेको समाचारस्रोतले जनाएको छ। उनी फुटबलर प्रेमी गेरार्ड पिकेबाट दोस्रो बच्चा जन्माउने तयारीमा छिन्।

'पिकेले मेरो व्यक्तिगत जीवनमा निकै ध्यान दिने गरेको छ', साकिराले भनेकी छन्, 'म हरेक काम गर्नुभन्दा अगाडि पिकेलाई सोध्ने गर्छु। रिहानासँग कान्ट रिमेम्बर टु फरगेटमा काम गर्दा पनि पिकेसँग अनुमति लिएकी थिएँ।' पिकेबाट साकिराले सन् २०१३ मा पहिलो सन्तानलाई जन्म दिएकी थिइन्।

पतिले साकिरालाई अन्य पुरुषको साथ भिडियोमा काम गर्न नचाहेकाले पछिल्लो समय भिडियोमा नआएको जनाएकी छन्। पिकेभन्दा अगाडि उनी एन्टोनियो डिलारौसँग ११ वर्षे लामो सम्बन्धमा रहिन्। सन् २०११ को एन्टोनियो र साकिराको ब्रेकअप भएपछि पिकेसँग उनी लिभिङ टुगेदरमा रहेकी छन्।-एजेन्सी

http://annapurnapost.com

चिनियाँ युवती एक सातादेखि नेपालमा बेपत्ता

Updated : 10/27/2014 खेलकुद, फिचर

काठमाडौँ, कत्तिक १० -तिब्बत हुँदै नेपाल घुम्न आएकी २७ वर्षीय चिनियाँ युवती गुओ सियाओफाङ एक सातादेखि बेपत्ता भएकी छन्। तिब्बतबाट १८ अक्टोबरमा एक्लै काठमाडौँ प्रवेश गरेदेखि उनीसँग सम्पर्क टुटेको भन्दै परिवारका सदस्यले चिन्ता व्यक्त गरेका छन्। गुओ मध्य चीनको हुवेइ प्रान्तको राजधानी उहानकी विद्यार्थी भएको आजको नागरिक दैनिकमा खबर छ।

शनिबार राती उनको माइक्रोब्लगमा ‘हुवेइकी युवती नेपालमा बेपत्ता’ शीर्षकमा सूचना दिइएपछि उनको गृहनगर उहानमा हल्लीखल्ली मच्चिएको थियो। माइक्रोब्लगमा यो सूचना तीन लाख ६० हजारले हेरेको चिनियाँ सञ्चार माध्यमले जनाएका छन्।
सियाओफाङका विद्यार्थी साथीहरूले उनी सिचुवना हुँदै तिब्बतबाट नेपाल प्रवेश गर्ने बेलासम्म माइक्रोब्लगमा फोटो अपडेट गरेको तर त्यसपछि बेखबर रहेको जनाएका छन्
www.ratopati.com

डिभिजन थ्री क्रिकेटः नेपाल अमेरिकाविरुद्ध बलिङ गर्दै

काठमाडौं, कात्तिक १० – मलेसियामा जारी आइसिसी विश्व क्रिकेट लिग डिभिजन थ्री अन्तर्गत आफ्नो चौथो खेलमा आज नेपालले अमेरिकासँग प्रतिस्पर्धा गरिरहेको छ । क्वालालाम्पुरको किनरारा ओभल मैदानमा

अमेरिकाले टस जितेर अमेरिकाले पहिले ब्याटिङ गरिरहेको छ । यसअघि युगाण्डालाई पहिलो खेलमा युगाण्डासंग २० रनले हारेपनि दोश्रो खेलमा बर्मुडालाई ६ विकेटले हराउन सफल नेपालले तेस्रो खेलमा हिजो सिंगापुरलाई हराएको थियो । २ खेल जितेको नेपाल अंक तालिकाको दोश्रो स्थानमा छ । अमेरिकाले ३ खेलमा १ खेल मात्र जितेको छ । नेपालले अमेरिकालाई हराउन सके डिभिजन टूमा बढुवा हुने संभावना बलियो हुने छ । प्रतियोगिताको शीर्ष २ मा अटाउने टोली डिभिजन टूमा बढुवा हुनेछन् । www.ratopati.com

प्रेमिकाकै षड्यन्त्रका कारण पक्राउ परेको अनुमान : पारस

Updated : 10/27/2014 समाचार

काठमाडौं, कात्तिक १०– पूर्वराजा ज्ञानेन्द्रका परिवारले पूर्वयुवराज पारस शाहलाई नेपालमा नल्याई थाइल्यान्डको राजधानी बैंकको पुनःस्थापना केन्द्र (सुधार गृह) मा राख्ने गृहकार्य अघि बढाएको छ । थाई अदालतमा १० लाख भाट धरौटी राखी केही दिनअघि मात्र प्रहरी हिरासतबाट मुक्त भएका पारसलाई उपचारका

लागि बैंककमै पुनःस्थापना केन्द्रमा राख्ने निष्कर्षमा निर्मल निवास पुगेको हो । अवैध लागूऔषध सेवन गरेको अभियोगमा गत महिना उनी थाइल्यान्डको रुङखाईमा पक्राउ परेका थिए । नेपालमा ल्याउँदा उनी फेरि दुव्र्यसनमा फस्न सक्ने भएकोले भाइल्यान्डमै पुनःस्थापना केन्द्रमा राख्ने तयारी परिवारले गरेको हो । पारसलाई तत्काल नेपाल ल्याउने सोच ज्ञानेन्द्र परिवारले त्यागिसकेको छ । उनलाई भेट्न जाने सोच पनि पूर्वयुवराज्ञी हिमानी र पूर्वराजकुमारी प्रेरणाले त्यागिसकेकी छन् । सुधार केन्द्रमा राखेपछि मात्र हिमानी र प्रेरणा बैंकक जाने भएका छन् । यता, पारसकी प्रेमिका अझैसम्म उनको सम्पर्कमा आएकी छैनन् । आफु पक्राउ पर्नुमा प्रेमिकाकै षड्यन्त्र भएको अनुमान पारसले गरेका छन् । प्रेमिकासहित उनको सम्बन्ध पूर्ण रुपमा टुटिसकेको छ । प्रेमिकासँग उनको सम्बन्ध टुटेपछि पारस अब सजिलै नेपाल फर्कने अनुमान परिवारले गरेको छ । आजको राजधानी दैनिकमा खबर छापिएको छ ।www.ratopati.com/

के तपाईको प्रेम सम्बन्ध बिग़िएको छ ? यसरी सुधार्नुहोस् !

Updated : 10/26/2014 फिचर, मनोरञ्जन

'जहाँ प्रेम छ त्यहा जीवन छ' यो यथार्थ हो ! वैरीलाई मित्र बनाउन सक्ने एउटै शक्ति प्रेम हो प्रेमले सफल जीवन जिउन मद्दत गर्छ भने यसले

जीवनशैली परिवर्तन गर्न समेत उत्तिकै महत्त्वपूर्ण
भूमिका निर्वाह गरेको हुन्छ। नेपालीमा पनि एउटा भनाइ प्रचलित छ- प्रेममै सबै
समस्याको समाधान छ। फूल र सुगन्धले वातावरणलाई मादक बनाउँछ। कोठालाई फूलले सजाउनुहोस् र उनलाई मनपर्ने
परफ्युमले आफू र कोठालाई सुगन्धित बनाउनुहोस यसमा पनि प़ेम को अनुभुति हुनेछ !

मानिसको जीवनमा निकै उताव चडाप ल्याउने काम प़ेमले नै गर्छ ! साएद संसारमा प़ेम हुदैनथियो भने संसार उहिले नै ध्वस्थ हुने थियो ! संसार नै माया मा अडियको छ यो सत्य कुरा हो! जुन सुकै प़ाणी किन नहोस प़ेम सबैमा हुन्छ ! फल प्रेमले समस्याको समाधान पहिल्याउँछ, शान्ति र सन्तुष्टि दिन्छ भने असफल प्रेमले
दुर्घटना निम्त्याउँछ जुन हामी सबैले देखेका, सुनेका र भोगेका कुरा हुन्।
प्रेममा द्विपक्षीय विश्वासको जग बलियो भयो भने अमृततुल्य हुन्छ तर बेमतलब
र अविश्वासले कहिलेकाहीं त्यो विष पनि बन्छ। माया र प्रेमबिना न शान्ति मिल्छ न सन्तुष्टि।

एक-अर्काको गल्ती देखिनेबित्तिक्कै खुलस्त भन्नुपर्छ र कमजोरीलाई सुधार्नतर्फ लाग्नु बेस हुन्छ। गल्ती गरेकोमा सजाय दिनु र एउटगल्तीलाई पटक- पटक भनेर होच्याउने काम गर्नुहुँदैन। किनभने
गल्ती मानवीय स्वभाव हो।
सोही प्रकृतिको गल्ती भने दोहोरिन दिनु हुँदैन। गल्ती गर्ने, काम बिगार्ने जस्ता अपि्रय काम भए माफी माग्ने र दिनवानीको विकास गर्नु राम्रो मानिन्छ।गल्ती गर्ने, काम बिगार्ने जस्ता अपि्रय काम भए माफी माग्ने र
माफी दिने बानीको विकास गर्नुपर्छ।
आफ्ना प्रेमी/प्रेमिकाको जन्मदिन, विशेष अवसर, चाडपर्व जस्ता अवसरमा गिफ्टतथा शुभकामना दिन बिर्सन हुँदैन।
एक-अर्काको दुःखमा सहानुभूति दिनुका साथै सहयोगका लागि तत्पर रहनुपर्छ, जसलेप्रेमसम्बन्धलाई अझ प्रगाढ बनाउँछ। त्यसैले विशेष समयमा मात्र भेटघाट गर्नु राम्रो हुन्छ।
दुवैको प्रेम स्वार्थहीन हुनुपर्छ। अचेल यौनआनन्द प्राप्तिका लागि प्रेमको नाटक गर्ने युवा-युवतीहरू पनि उत्तिकै छन्। यस्तो प्रेम यौन आनन्द प्राप्ति पछि टुङ्गनि सक्छ।
यदि कसैले एकोहोरो माया गर्न थालेको छ तर आफूलाई मन पर्दैन भने सुरुमै चटक्क छाड्नुपर्छ। यस्तो मायामा फसेपछिको नतिजा राम्रो हुँदैन।कसैको सम्पत्ति, शरीर र पारिवारीक अवस्था हेरेर प्रेम गर्नु
राम्रो होइन। जसको नतिजा घातक हुने सम्भावना रहन्छ। यसका साथै पैसा असुल्ने किसिमले
प्रेम गर्नेहरूबाट पनि सावधान रहनुपर्छ। डेटिङ संस्कार फस्टाएको छ। डेटिङमा जाँदा दुवैले खर्च गर्ने बानीको विकास गर्नुपर्छ नत्र नकारात्मक भावनाको विकास हुन सक्छ।dearsansaarr.blogspot.co.il/

सन्तान जन्माउन चाहादा पनि किन गर्भ रहदैन . र यसको उपाय के हो !

Updated : 10/26/2014 फिचर, स्वास्थ्य

सम्भोग पश्चात् हुने वीर्य स्खलनमा शुक्राणुको मात्रा करिव ५० प्रतिशत हुने अनुमान गरिएको छ । वीर्यमा शुक्राणुको मात्रा प्रति मिलिमिटर साढे सात करोडसम्म हुनु पर्दछ । कसैको करोडप्रति मिलिमिटर पनि हुन

सक्छ । यसमा केही करोड तल–माथि परिरहेकै हुन्छ । वीर्य उत्पादन हुने मुख्य स्थान भनेको वीर्य ग्रन्थी नै हो भने शुक्राणु उत्पादन हुने स्थान अण्डकोष हो। अण्डकोषमा शुक्राणुहरु उत्पादन भएर शुक्रकिट नली हुँदै वीर्य ग्रन्थीमा मिसिन आइपुग्दछ । यस प्रकार वीर्य ग्रन्थीमा आइपुगेका शुक्रकिटहरु सम्भोग पश्चात् वीर्य स्खलन हुँदा सँगै स्खलित हुन्छन् । यसमा सम्झिनु पर्ने कुरा के छ भने वीर्य एक किसिमको चिल्लो पदार्थ मात्र हो भने शुक्राणु आँखाले देख्न नसकिने शुक्रकिट हो । स्खलन हुँदा शुक्राणु वीर्यसँगै मिसिएर आउन पायो भने मात्र महिलाले गर्भधारण गर्न सकिन्छ शुक्रकिट चाहिं आएन, केवल वीर्य मात्र स्खलन भयो भने गर्भको सम्भावना नै हुँदैन शुक्राणु हुँदाहुँदै गर्भधारण हुन सक्छ भन्ने छैन ।

सम्भोग गर्दा किन गर्भ रहदैन

यसको क्षमता र गतिशीलताको पनि उत्तिकै प्रभाव परेको हुन्छ । यसमा शुक्राणु उत्पादन हुँदा कसरी प्रभाव परिरहेको हुन्छ भन्ने विषयमा उल्लेख गर्न लागिएको छ । अण्डकोषमा शुक्राणु उत्पादन हुने क्रमलाई प्रभाव पार्ने केही फरक तत्वहरु छन् । सर्वप्रथम अण्डकोषमा विकिरणको प्रभाव प¥यो भने शुक्राणु उत्पादनमा ¥हास आउन सक्छ । जस्तो अनावश्यक रुपमा धेरै एक्सरे गर्नु, क्यान्सरका लागि प्रयोग गरिने केमोथेरापी तथा किटनाशक औषधिको अत्यधिक प्रयोगबाट पनि अण्डकोषमा हुने शुक्राणु उत्पादनमा प्रभाव पर्न सक्छ । त्यस्तै, नशालु औषधिको सेवन मद्यपान तथा धुम्रपानले पनि शुक्राणुको उत्पादनमा असर पार्दछ । किटनाशक औषधिले पार्ने असर अस्थायी मात्र हुन्छ । यसको संसर्गमा नआएपछि स्वतः असर कम हुँदै जान्छ । तर नशालु पदार्थ तथा धुम्रपान, मद्यपानको सेवनबाट पार्ने असर भने दीर्घकालीन रुपमा हुन सक्छ । यसबाट बच्नका लागि सबै चेतनशील वर्गले समयमै सोच्नु पर्दछ । जो मानिसले यस्ता व्यवहारिक कुराहरु बुझेका छैनन् भने बुझेका मानिसले नबुझेका मानिसलाई परामर्श दिनु पनि कर्तव्य हो । हेरोइन, मरफिन जस्ता नशालु औषधिको प्रयोगले पुरुष हारमोन टेस्टोस्टेरोनको स्तरलाई घटाउँछ । रेस्टोस्टेरोनको स्तर घट्नुको अर्थ भनेको प्रत्यक्ष मात्रामा शुक्राणु उत्पादन घट्नु हो । मादक पदार्थ सेवनको लत बसिसकेपछि पनि यो समस्या उत्पन्न हुन सक्छ । यसको ठीक विपरीत धुम्रपान गर्नेहरुमा भने वीर्यमा शुक्राणु धेरै कठिनपूर्वक मात्र तैरन सक्छ नत्र कत्रेर त्यतिकै बस्दछ । यस कारणले गर्दा शुक्राणुको गतिशीलतामा भारी कमी आउँछ । यस्तो अवस्थामा धेरै कम शुक्राणु मात्र उर्वरक हुन्छन् । धेरै ज्वरो आएको अवस्थामा सन्तान जन्माउने उद्देश्यले यौन सम्पर्क गर्नु पनि ठीक हुँदैन ।

शुक्राणुको संख्या घटाउने क्रममा मानसिक तनाव र असुरक्षाका भावनाले पनि निकै असर पु¥याइरहेको हुन्छ । शुक्राणुको उत्पादनमा असर पु¥याउने खालका अन्य अवस्थाका बारेमा कुरा गर्र्नु पर्दा प्रथमतः अण्डकोष ग्रन्थी जसको शुक्राणु उत्पादन गर्ने क्षमता नहुनु हो भने दोस्रोमा शुक्रकिट नलीमा अवरोध आउन सक्नु हो । परिवार नियोजन गरेको पुरुषहरुलाई गरिने स्थायी उपाय भ्यासेक्टोमी गर्दा पनि केवल शुक्राणु आउने शुक्रकिट नलीलाई मात्र काटेर बाँध्ने काम गरिन्छ । अण्डकोषको दुवै ठाउँबाट दुई वटा शुक्रकिट नलीहरु वीर्य ग्रन्थीसम्म पुगेका हुन्छन् । यी शुक्रकिट नलीको मुख्य काम शुक्राणुहरुलाई यसको बाटो हुँदै वीर्य ग्रन्थीसम्म पु¥याउनु हो । भ्याक्सेटोमी गर्दा यही शुक्रकिट नलीको बाटो भएर शुक्राणु जाने–आउने क्रमलाई बन्द गरिन्छ । शुक्रकिट नलीलाई बीचमा यसरी बन्द गरेपछि वीर्य ग्रन्थीमा शुक्राणु पुग्ने कार्य बन्द हुन्छ । अब सम्भोग गर्दा केवल वीर्य (तरल पदार्थ मात्र) सदाझैं स्खलन हुने काम हुन्छ र वीर्यसँगै शुक्रकिट भने हुँदैन । यसले गर्दा गर्भधारण हुन सक्दैन । भिडियो तल छ

एमालेले ल्यायो हिमाल-पहाड-तराई जोड्ने चार प्रदेशको प्रस्ताव

९ कात्तिक, काठमाडौं । संविधानका विवादित विषयमा कुरा मिलाउन आइतबार एमाओवादी नेताहरुले एमाले र नेपाली कांग्रेसका नेताहरुसँग छुट्टा-छुट्टै वार्ता गरे । वार्ताका क्रममा एमाले नेताहरुले चार प्रदेश सहितको संघीय प्रस्ताव अघि सारेका छन् ।

एमाले र एमाओवादीवीच बबरमहलस्थित अाइतबार शान्ति कोषको सचिवालयमा वार्ता भएको थियो । त्यसपछि कांग्रेस र एमाओवादी नेतावीच प्रधानमन्त्री निवास बालुवाटारमा छलफल भएको थियो ।
बबरमहलमा भएको दुई दलीय छलफलमा एमालेले आफ्नो पुरानो अडान छाड्दै ४ प्रदेशको नयाँ प्रस्ताव गरेको एक एमाओवादी नेताले बताए ।
एमालेले यसअघि नेपाली कांग्रेसकै जस्तो ७ प्रदेशको अवधारणा सार्बजनिक गरेको थियो । तर, आइतबार एमाले नेताहरुले ४ प्रदेशको नयाँ प्रस्ताव ल्याएको बैठकमा सहभागी नेताले बताए ।
स्रोतका अनुसार एकीकृत नेकपा माओवादीका शीर्षनेताहरुसँगको छलफलमा एमाले नेताहरुले उत्तर-दक्षिण हुने गरी चार प्रदेशमा जान प्रस्ताव राखेका छन् । उनीहरुले एमाओवादीले भनेजस्तो जातीयत नामका आधारमा १० प्रदेश कुनै पनि हालतमा नस्वीकार्ने स्पष्ट पारेका थिए ।
बैठकपछि बैठकपछि सञ्चारकर्मीलाई प्रतिक्रिया दिँदै एमाले उपाध्यक्ष बामदेव गौतमले चार प्रदेशमा जान एमाओवादीलाई प्रस्ताव राखेको स्वीकार गरे ।
‘एमाओवादीले भनेजस्तो १० प्रदेशमा जान सकिँदैन, त्यसको विकल्पमा हामीले उत्तर-दक्षिण हुने गरी चार प्रदेशको प्रस्ताव राख्यौं,’ उपप्रधानमन्त्री एवं गृहमन्त्रीसमेत रहेका गौतमले भने ।
एमालेले ७ बाट झरेर ४ प्रदेशको नयाँ प्रस्ताव ल्याएपछि नयाँ संविधान लेखनका विवादित विषयमा सहमति जुट्ने सम्भावना झन् टाढिएको स्रोतले बतायो । यद्यपि संवैधानिक राजनीतिक सम्वाद तथा सहमति समितिका सभापति डा. बाबुराम भट्टराईले भने एमालेसँगको छलफलले सहमतिको नजिक ल्याएको दाबी गरेका छन् ।
डा. भट्टराईको भनाइ उधृत गर्दै उनको सचिवालयद्वारा जारी प्रेस नोटमा भनिएको छ, ‘एमालेसँग प्याकेजमा नै सहमति खोज्नुपर्छ भन्ने ढंगले कुरा भयो । त्यस क्रममा निर्वाचन प्रणाली र शासकीय स्वरुपको विषयमा द्विपक्षीय बीचमा अलिकति लचकता, नजिकपन देखा पर्‍यो भने संघीयताको विषयमा अझै पनि छलफल गर्दै जानुपर्ने देखियो ।’
संघीयतामा प्रमुख दलहरु मिल्न र नजिक हुन अझैसम्म सकेका छैनन् । नेपाली कांग्रेसले भूगोलका आधारमा ६ वा ७ प्रदेश बनाउन प्रस्ताव गरेको छ । एकीकृत माओवादीले भने पहिचानका आधारमा १० प्रदेशको अडान राख्दै आएको छ ।
आइतबारको छलफलमा एमालेको चार प्रदेशको अवधारणा सुनेपछि एमाओवादी अध्यक्ष पुष्पकमल दाहाल, डा. बाबुराम भट्टराई र नारायणकाजी श्रेष्ठ ‘अब कांग्रेससँग छलफल गर्ने’ भन्दै बैठकबाट उठेका थिए ।
सोमबार एमाले र नेपाली कांग्रेसका नेताहरुले छुट्टाछुट्टै छलफल गर्ने र तीन दलको निर्णायक बैठक गर्ने बताइएको छ ।
ओली ढीलो आउँदा जग्गाको अवलोकन
बबरमहलमा आयोजना गरिएको एमाले र एमाओवादीको छलफलमा एमाले अध्यक्ष केपी ओली समयमा नआएपछि गोकर्णमा जस्तै नेताहरुले ओलीलाई कुर्नुपर्‍यो ।
तर, ओली नआउँदाको समयलाई उपयोग गर्दै आइतबार भने एमाले र एमाओवादीका नेताहरु नयाँ संसद भवन बनाउन बबरमहलमा छुट्टाइएको जग्गा अवलोकन गर्न गए । ओली बैठकमा आउन ढीलो भएपछि नेताहरुले फुर्सदको समय जग्गा अवलोकन गरेर सदुपयोग गरेका हुन् ।
‘एमाले नेताहरु समयमा नआएपछि संसद भवन बनाउने जग्गा अवलोकन गर्न आयौं,’ एमाओवादी उपाध्यक्ष नारायणकाजी श्रेष्ठले सञ्चारकर्मीलाई प्रतिक्रिया दिए ।
जग्गा अवलोकन गर्न एमाओवादी अध्यक्ष दाहाल, डा. भट्टराई र श्रेष्ठ तथा एमाले उपाध्यक्ष तथा उपप्रधानमन्त्री गौतम र माधव नेपाल गएका थिए ।
सहमतिको पहल गर्न कांगेसलाई आग्रह
एमालेसँगको छलफलपछि बालुवाटार पुगेका एकीकृत नेकपा माओवादीका नेताहरुले नेपाली कांग्रेससमक्ष सहमति निर्माणका लागि विशेष पहल गर्न प्रस्ताव राखेका छन् ।
‘एमाओवादी र नेपाली कांग्रेसको बीचमा अब अमूर्त होइन, ठोस विषयमा नै केन्दि्रत भएर छलफल गर्ने भन्ने ढंगले कुराकानी भयो’, एमाओवादी नेता तथा संवैधानिक राजनीतिक संवाद तथा सहमति समितिका सभापति डा. बाबुराम भट्टराईले भने – ‘अहिले नै सहमति बन्न त सकेन, तर नेपाली कांग्रेस सरकारको नेतृत्व गरेको पार्टी हुनुको नाताले विशेष सहमति निर्माणमा पहल गर्नुपर्छ भन्ने कुरा राखिएको छ ।’
प्रमुख तीन दलका नेताहरुले विवादित विषयमा सहमति खोज्न हप्तौंदेखि प्रयास गरिरहेका छन् । भदौ २१ मा सकिएको सहमति गर्ने समयावधिलाई तेस्रोपटक थपेर संविधानसभाले कात्तिक १५ सम्म पुर्‍याएको छ । दलका नेताले सोमबारको वार्ताबाटै निश्कर्ष निकाल्ने भनेका छन् ।
तर, प्रमुख दलवीच संघीयता र शासकीय स्वरुप लगायतका विषयमा अझैसम्म विवाद मिलेको छैन ।
न्यायपालिका र निर्वाचन प्रणालीका विषयमा भने सोमबार तीन दलका शीर्ष नेताले सर्वोच्च अदालत र निर्वाचन आयोगसँग बेग्लाबेग्लै छलफल गरेका छन् ।
/www.onlinekhabar.com

बर्षमानले बनाए प्रचण्डको हत्या योजना

नेकपा–माओवादीका नेता अनिल शर्मा ‘विरही’ले प्रचण्डको हत्या प्रयास असफल भएको दावी गरेका छन् ।
उनले वर्षमान पुन ‘अनन्त’ले भारतको इशारामा पार्टी नफुट्दै आफ्नै पार्टीका अध्यक्ष पुष्पकमल दाहाल ‘प्रचण्ड’को हत्या गर्न खोजेको दावी गरेका हुन् ।

जनआस्था साप्ताहिकमा लेख लेखेर विरहीले नेकपा एमालेका शीर्ष नेताहरुको कारण त्यो षड्यन्त्र असफल भएको दावी गरेका छन् ।’कट्वाल माथिको कारवाही,पहिलो चीन भ्रमण,किरण पक्षसँग एकता आदि प्रचण्ड हर्कतका कारण भारतले आफूहरुलाइ धोका भएको ठान्न थाल्यो । अन्तिम विकल्प भनेको प्रचण्डको सफाया हो भन्नेमा र पुग्यो । त्यसका लागि अनन्तलाइ तयार पारियो ।

विरहीले जनआस्थामा लेखेका छन – ‘नेपालको रक्षा र गृहमन्त्रालयले त्यसका लागि सहयोग गर्नुपर्ने शर्त आएपछि तत्कालीन प्रधानमन्त्री माधवकुमार नेपालसँग रका प्रतिनिधिहरुले प्रस्ताव राखे । त्यस विषयमा माधव नेपाल,केपी ओली र झलनाथ खनालकाबीचमा छलफल भयो । त्यो छलफलपछि एमाले नेताहरुले एमाले बदनाम हुने र राजनीतिमा अपराधीकरण हुने निष्कर्ष सहित प्रचण्डको सफायामा सहयोग नगर्ने भए ।

प्रचण्डको हत्या गर्ने योजना असफल भएपछि वर्षमान पुन अनन्तले प्रचण्ड र भारतको आफूमाथिको विश्वास कायमै रहोस भनेर हत्याको अर्को योजना बनाएको र त्यो पाकिस्तानसँग जोडिएको दावी गरेका छन् । पाकिस्तानले जमिम शाह मार्फत प्रचण्डको हत्या गर्दैछ भनेर हल्ला चलाइ अनन्तले जमिमको हत्या गराउन पूर्व लडाकूको टोली परिचालन गरेपनि लडाकू टोलीले जमिम प्रचण्डको विरुद्धमा नलागेको स्पष्ट हुँदै त्यतिकै फर्केको उल्लेख गरेका छन् । तर जमिमका पछि हत्या भएपनि त्यसबारेमा भने विरहीले केही बोलेका छैनन् । विरहीले व्यवसायी रामहरि श्रेष्ठको हत्या पनि अनन्तले गराएको दावी गरेका छन् ।

‘त्यसबेला का. विविधको निवास रामहरि श्रेष्ठको घरमा थियो । रक्तचन्दन,,यार्सागुम्बा तस्करी, जाली नोट कारोवार,जमिम शाहको हत्या प्रयास यी सबै कुकर्म रामहरि श्रेष्ठकै घरमा भएका थिए । रामहरिलाइ ती सबै थाहा थियो । पूर्व एमाले कार्यकर्ता श्रेष्ठ धेरै जसो षडयन्त्रमा सहभागी थिए ।’ अनिल शर्मा विरही लेखेका छन् – अब रामहरि अनन्तका लागि खतरा भए । त्यसपछि ‘नरहे बाँस नबजे बाँसुरी’ भने झै उनी रामहरिलाइ सफाया गर्ने सोंचमा पुगे । उनले प्रचण्ड समक्ष हतियार र पैसा चोरेको आरोप लगाए । त्यसपछि प्रचण्डसँग सिफारिस लिएर रामहरिलाइ चितवन पुर्याउन लगाए । त्यहीँ यातना दिएर रामहरिको हत्या भयो ।’ विरहीले अनन्त प्रचण्डको मान्छे नभइ बाबुरामको मान्छे भएको र बाबुराम र उनीबीचको विरोध देखावटी मात्रै भएको समेत दावी गरेका छन् ।

रातो सूर्य डटकमबाट

http://tato-khabar.blogspot.co.il/2014/

सशस्त्र प्रहरी भन्दै केटी जिस्काउने युवक पिटिए

Updated : 10/26/2014 फिचर, फिल्मी, बलिउड, मनोरञ्जन

गौशाला: महोत्तरीको जलेश्वरमा आफूलाई सशस्त्र प्रहरी भन्दै केटी जिस्काएका एक युवकलाई स्थानीयले मरणासन्न हुने गरी कुटेका छन् । कुटाइ खानेमा जलेश्वर नगरपालिका–४ बस्ने २५ वर्षीय सुनिल यादव रहेको जिल्ला प्रहरी कार्यालय महोत्तरीले जनाएको छ ।

शनिबार साँझ जलेश्वरको नगरपालिका चोकस्थित एक पान पसलमा रिचार्ज कार्ड किन्न पुगेकी एक केटीलाई एक युवकले आफू सशस्त्र प्रहरी भएको भन्दै जिस्काउन थालेको र हुँदाहुँदै शरीरसमेत छुन पुगेपछि स्थानीयले ती युवकलाई मरणासन्न गरी कुटेका थिए ।

केटी जिस्काएका युवक यादवलाई स्थानीयवासीले पछि अस्थायी प्रहरी पोष्ट नगरपालिकालाई जिम्मा लगाएका थिए । यता प्रहरीले आवश्यक अनुसन्धानका लागि युवक यादवलाई जिल्ला प्रहरी कार्यालयमा ल्याएका छन् भने उनी सशस्त्र प्रहरी नरहेको र सशस्त्र प्रहरीको नाम बेचेको कुरा खुलेको प्रहरी नायब उपरीक्षक लोकेन्द्र श्रेष्ठले बताए ।

प्रहरी नायब उपरीक्षक श्रेष्ठका अनुसार युवक यादवले आफू केटीलाई प्रभावित पार्न सशस्त्र प्रहरी भएको वताएका थिए ।
annapurnapost.com

रणवीरलाई छाडेर सिद्धार्थकी प्रेमिका बन्दै क्याट्रिना कैफ

डेन्ट अफ दि इयरबाट बलिउड छिरेका सिद्धार्थ मन्होत्रा पछिल्लो समय निक्कै चर्चित छन् । उनले क्याट्रिना कैफसँग काम गर्ने इच्छा गरिरहेका थिए । उनको यो इच्छा अव पुरा हुने देखिएको छ ।

क्या्ट्रिना रितेश सिधवानी र फरान अख्तरले बनाउन लागेको नयाँ चलचित्रमा सिद्धार्थकी प्रेमिका बन्ने भएकी छिन् ।

यो प्रेम कथामा आधारित चलचित्र रहेको बताइएको छ ।

सिद्धार्थ क्याट्रिनाका फ्यान हुन् । उनले हरेक अन्तरवार्तामा क्याट्रिनाको प्रसंसा गर्छन । सिदार्थले परणिती र श्रद्धा कपुरसँग जोडी बनेर चम्किसकेका छन् ।

nepaliheadlines.com

आगलागीमा एकै परिवारका ४ सदस्यको मृत्यु