राजविराज : नेपाली सेनाको श्री मेहर गण राजविराजमा शुक्रबार राति एक सैनिकले आफैलाई गोली हानी आत्महत्या गरेका छन् ।
सेन्ट्री बसेका नायक उस्ताद विकास राईले साथीलाई झुक्याएर मध्यराति एसएलआर राइफलले गोली हानी आत्महत्या गरेको सैनिक स्रोतले जनाएको छ । घाँटीबाट छिरेको गोली टाउकोलाई क्षतविक्षत पारेर बाहिर निस्केको छ ।
घटनापछि जिल्ला प्रहरी कार्यालयको टोलीले राति नै ब्यारेकभित्र पुगी घटनास्थल र बस्तुस्थिति मुचुल्का बनाएको छ । शव पोष्टमार्टमका लागि शनिबार बिहान राजविराजस्थित गजेन्द्र नारायण सिंह सगरमाथा अञ्चल अस्पताल ल्याइएको छ ।
सुनसरीको धरान–१३ घर भएका राईले आत्महत्या गर्नुको कारणबारे केही खुल्न सकेको छैन ।
annapurnapost.com
