शोधकर्ताहरुका अनुसार चियामा हुने फ्लाभिनोइड तत्वका कारण यसले मानिसको स्वास्थ्यमा सकारात्मक प्रभाव पारेको हो । फ्लाभिनोइड एन्टीअक्सिडेन्ट हो, जो मुटुको स्वास्थ्यका लागि लाभदायी हुन्छ ।फ्रान्सका वैज्ञानिकहरुले पेरिसको आइपिसी मेडिकल सेन्टरमा आएका रोगीहरुको ७ वर्षसम्म निरन्तर अध्ययन गरेका थिए । त्यसक्रममा १८ देखि ९५ वर्ष उमेर सम्मका १ लाख ३१ हृजार ४ सय १ जना सामान्य मुटुसम्बन्धि रोगीको अध्ययन गरिएको थियो ।
त्यसक्रममा कफी नियमित रुपमा पिउनेहरुले प्रायः धुम्रपान समेत गर्ने गरेको र उनीहरुमा मुटु सम्बन्धि समस्या बढि रहेको पाइयो । जबकी कफी नभै चिया पिउनेहरु शारीरिक रुपमा पनि सक्रिय पाइनुका साथै स्वस्थ पनि रहेको पाइयो ।प्रमुख शोधकर्ता प्राध्यापक निकोलस डान्चिन भन्छन्, ‘यदि तपाइँले चिया र कफी मध्ये रोज्नु पर्यो भने अवश्यपनि चिया रोज्नुस् । ‘
चियाको सेवनले मुटुलाई स्वस्थ राख्नका लागि सघाउ पूराउने भएपनि उमेर तथा अन्य बानीव्यहोराका कारण यसको सकारात्मक प्रभावमा कमी आउने भन्दै शोधकर्ताहरुले भने मुटुरोग बाहेकका रोगहरुबाट हुने अल्पायु मृत्युको जोखिम भने चियाले कम गर्छ । भिडियो हेर्न तल क्लिक गर्नुहोस