इस्लामी परम्परामा कुकरलाई फोहोरी जनावर मानिन्छ र यसलाई सामान्य जनावरको रूपमा लिइन्न । यसो भए पनि केही व्यक्ति र विशेष गरी धनीले यसलाई घरमा ढोका बन्द गरेर पाल्छन् र यसलाई लिएर बाहिर जान्छन् ।
इरानको नैतिकता प्रहरीलाई सार्वजनिक स्थानमा तैनाथ गरिन्छ र उनीहरूले यसअघि कुकुर लिएर हिँड्ने व्यक्तिलाई रोकेका थिए भने उनीहरूलाई सावधान बनाउने वा यस जनावरलाई जफत गरिदिने गरेका थिए ।
नयाँ कानुन संसदमा पारित भएमा कुकुरसम्बन्धी गल्ती गर्ने व्यक्तिले कोर्रा वा एक करोड देखि १० करोड रियालसम्म जरिवाना भोग्नुपर्ने हुनसक्छ ।
इस्लामी इरानमा कुकुरलाई थपथपाउनु वा उनीहरूको ¥यालको सम्पर्कमा आउनुबाट मानिसको शरीर अशुद्ध हुने धारणा राखिन्छ ।
मस्यौदा कानुनमा सार्वजनिक स्थलमा कुकुर वा बाँदर जस्ता जनावर लिएर हिँड्ने व्यक्तिले इस्लाम संस्कृतिमा क्षति पु¥याउनुका साथै सफाइ तथा विशेष गरी महिला तथा बालबालिकाको शान्ति भङ्ग गर्ने भएको उल्लेख गरिएको छ ।
यसरी जफत गरिएका जनावरलाई चिडियाखाना, वन जङ्गलमा छोडिन्छ ।
इरानको संसदका कट्ठरपन्थी सदस्यहरू स्याटलाइट टेलिभिजन तथा इन्टरनेटबाट हुने पश्चिमी सभ्यताको अतिक्रमणबाट चिन्तत छन् । इरानमा कुकर पाल्नु पनि गैरइस्लामी मानिन्छ ।
यस कानुनमा प्रहरी, किसान तथा शिकारीलाई भने उन्मुक्ति दिइएको छ । यो कानुन तेहरान जस्ता ठूला सहरमा अपार्टमेन्टमा बस्ने कुकुरधनीप्रति लक्षित रहेको बताइएको छ ।
इरानका वरिष्ठ अधिकारीहरूले कुकुर पाल्ने कुरालाई चेतावनी दिएका छन् । विशेष गरी इरानका प्रहरी प्रमुख जनरल इस्माइल अहमादी मोघादामले दुई वर्ष अगाडि आफ्ना अधिकारीहरूले सार्वजनिक रूपमा कुकर लिएर हिँड्ने व्यक्तिमाथि कारबाही गर्ने बताउनुभएको थियो ।
यस्तै कानुन तीन वर्ष अगाडि पनि प्रस्तुत गरिएको थियो । उक्त विधेयकमा अध्ययन गरेपछि २९० स्थानको संंसदले त्यसलाई अस्वीकार गरेको थियो । रासस÷एएफपीhttp://edailynewsnepal.blogspot.co.il/
भिडियो हेर्न तल क्लिक गर्नुहोस :
