प्रधानकी श्रीमती समेत रहेकी नुतनको पटकथा तथा संवाद रहेको चलचित्र ३७ लाखमा तयार भएको प्रधानले खुलाए । सो अवसरमा अभिनेत्री गरिमा पन्तले आफ्नो फरक अभिनय रहेको र आशा बोकेको चलचित्र रंग बैजनी भएको बताइन् । यस अघि चलचित्र झोलाबाट उच्च सफलता प्राप्त गरेकी गरिमाको झोलाको उचाई रंग बैजनीले कायम गर्न सक्ला भन्ने प्रश्नमा उनले भनिन् म एउटा कलाकार हुँ मलाई जस्ले जसरी जता ढाल्नु हुन्छ म त्यतै ढल्ने हो । उनले थपिन् आशा छ मेरो पुरानो उचाईलाई यसले कायम गर्ला ।
चलचित्रमा अभिनेता दिकपालकासँग गरिमा र सुमीनाको दोहोरो प्रेम कथालाई मुख्य विषय बनाइर्एको छ । जसमा नारी नै नारीको शत्रु भएको भन्ने कुरालाई सुक्ष्म रुपमा देखाउन खोजीएको छ । काठमाडौँ र लेलेमा गरी २२ दिन छायांकन गरिएको चलचित्रमा गरिमा पन्त, सुमिना घिमिरे, दिक्पाल कार्की लगायतका कलाकारको अभिनय रहेको छ । चलचित्रका मुख्य कलाकार मध्येका अर्जुन श्रेष्ठ समेत उपस्थित रहेको प्र]स मिटमा मुख्य नायिका सुमिना भने अनुपस्थित थिइन् ।
चलचित्रको कथा निर्देशक शम्भुकी धर्मपत्नी नुतन प्रधानले लेखेकी हुन् भने चलचित्र लाई उनकै छोरा सशांक प्रधानले खिचेका हुन्। मंसिर १९ गतेबाट देशभरका ६० वटा हलमा एकैसाथ लाग्ने रगं बैजनीको बजार व्यबस्थापन डिसिएन नेपालले गर्ने भएको छ ।medianp.com भिडियो हेर्न तलको बाकस थिच्नुहोस
